Паразумеліся
- Заходзіў сёння да Івана Іванавіча, меў зносіны...
- Ну і што ён?
- Нічога не пытаў...
- А ты?
- А я нічога не адказаў...
Супакоіў
Правяраючы з раёна незадаволена ківае галавой, гледзячы на дрэнны ўраджай на палетках сельгаскааператыва.
- Гэта што! – апраўдваецца старшыня гаспадаркі. – Вось зараз заедзем да мяне дамоў, пабачыце, якія цудоўныя ў мяне грады!
Дае нырца
Сустрэліся знаёмыя.
- Як справы?
- З галавой акунуўся ў спорт!
- Не зразумеў...
- Уладкаваўся на працу ў водна-спартыўны басейн.
Хай зайздросцяць!
- Ой, Аксаначка, ты так распаўнела!
- Трэба ж суседзям паказаць, што ў нашай сям’і расце дабрабыт.
Зрабіла вывады
Раздражнёная жонка гаворыць мужу:
- Ты хоць і нарадзіўся ў год Тыгра і па ўсходняму гараскопу Леў, на самай справе – кот збродлівы!
Парупіўся
- Вы сёння павіншавалі Івана Іванавіча з днём нараджэння?
- Не...
- Што ж вы так?
- Дык я ж яшчэ ўчора занёс яму дадому каштоўны падарунак!
Самадастатковы
На сустрэчы з чытачамі ў пісьменніка пытаюць:
- Якія кнігі вы любіце чытаць?
- А навошта мне чытаць чужыя, калі я пішу свае?
Ёсць розніца
- Не бі мяне па твары! – просіць муж, які ледзьве перасунуўся праз парог.
- Я б’ю не па твары, а па тваёй п’янай мордзе! – з абурэннем крычыць жонка.
Грыбное месца
- Ты так многа прыносіш з лесу грыбоў! Як гэта табе ўдаецца?
- Збіраю ноччу каля нашага хімзавода. У цемры яны свецяцца...
Дапамагае
Упаўнаважаны з раёна распякае кіраўніка гаспадаркі за дрэнную работу па ўзнаўленню статку кароў.
- Прымаем усе меры, – апраўдваецца той. – Я ўжо і сам каля іх кручуся...
